Mbappega APL klubidan kutilmagan xaridor chiqdi

"Manchester Yunayted" "PSJ" hujumchisi Kilian Mbappeni sotib olmoqchi, deb xabar beradi ESPN nashri.
Qayd etilishicha, 22 yoshli frantsuz futbolchisi mankunianliklarning xarid qilmoqchi bo'lgan futbolchilaridan biri. Ma'lum bo'lishicha, klub kelasi yozda iqtidorli hujumchi bilan shartnoma imzolamoqchi.

Mbappe joriy mavsum "PSJ" safida ikkita o'yin o'tkazdi va ikkita golli uzatmani amalga oshirdi.
Uning shartnomasi 2022 yilning 30 iyunida tugaydi. Transfermarkt futbolchini 160 million evroga baholamoqda.

Avvalroq, "Real" futbolchi uchun 120 million evro to'lashga tayyorligi haqida xabar berilgandi.
Klub futbolchining o'ziga 5 yillik shartnoma va maosh taklif qiladi.