"Milan" Frantsiya chempionati futbolchisiga qiziqish bildirmoqda

"Monako" hujumchisi Petro Pellegri faoliyatini Italiyada davom ettirishi mumkin. Jurnalist Janluka Di Martsio saytida yozilishicha, 20 yoshli italiyalikka "Milan" qiziqish bildirmoqda. Qayd etilishicha, hozirda ikkala klub ham futbolchining ijaraga berilishi mumkin bo'lgan transferini yakunlash ustida ishlamoqda.

Pellegrining amaldagi shartnomasi 2022-yilning yozigacha amal qiladi, shuning uchun futbolchi
"Milan"ga o'tishdan oldin monegasklar bilan shartnomani yangilaydi. Pellegri 2018-yilda
"Jenoa"dan "Monako"ga o'tgan. O'shandan beri hujumchi 23 ta o'yinda maydonga tushib, ikkita
gol va bitta golli uzatmani amalga oshirdi.