Argentina klubi futbolchisi Evropaga yo'l oladi

Argentinaning «River Pleyt» klubi futbolchisi Fabritsio Angileri Evropaning bir nechta klublari qiziqishlariga sabab bo'lmoqda. «TNT Sports» kanali xabariga ko'ra, Ispaniyaning «Selta Vigo», Italiyaning «Latsio» hamda Frantsiyaning «Marsel» klublari 27 yoshli himoyachi xizmatlariga ehtiyoj sezgan.

Xabarda aytilishicha, agar futbolchi uchun yaxshi taklif bo'lsa, klub transferlar oynasi yakunidan ilgari uni qo'yib yuborishga tayyorligini bildirgan. Angileri Argentina giganti safida 62 ta uchrashuv o'tkazgan bo'lib, bu davrda 4 ta gol hamda 12 ta assistga mualliflik qilishga ulgurgan.