«Shaharliklar» ikki futbolchisini tarkibda uzoq muddat olib qolishni istaydi

«Manchester Siti» klubi himoyachisi Ruben Diash bilan yangi shartnoma tuzmoqchi. «Siti» ushbu futbolchini o'tgan yozda «Benfika»dan sotib olgan edi. Shundan beri 24 yoshli futbolchi tarkibdagi ajoyib o'yinlari bilan eng yaxshilardan biri bo'ldi.

«The Sun» nashri bergan xabarga ko'ra, «shaharliklar» portugaliyalik bilan 2027 yilgacha mo'ljallangan bitim tuzadi. Uning maoshi bundan buyon haftasiga 250 ming funt etib belgilandi.

Shartnoma yaqin kunlarda, yana bir himoyachi  Jon Stounz bilan birgalikda imzolanadi. Diash o'tgan mavsumda chempionlar tarkibida 50 marta ko'rinish bergan hamda ajoyib o'yin ko'rsatgan.

Manba: futaa.com