Ronalduning "Real"dagi davri tugagan

«Yuventus» hujumchisi Krishtianu Ronaldu «Real»ga qaytmaydigan bo'ldi.

Avvalroq, jurnalist Edu Agirre «qaymoqranglilar» bosh murabbiyi Karlo Anchelotti portugaliyalikni jamoada ko'rishni istayotganini aytgan edi.

Italiyalik mutaxassis 36 yoshli futbolchining imkoniyatlarini yuqori baholaydi, biroq "qaymoqranglilar" uni qaytarish niyatida emas, deya xabar bermoqda "Marca" nashri.

Bir necha oy oldin «Real»ga Ronaldu bilan shartnoma tuzish taklif qilingan, ammo taklif rad etilgan. Madrid klubi Krishtianuning «Real»dagi davri tugadi deb hisoblamoqda.

Eslatib o'tamiz, yaqin kunlar ichida Ronalduning "keksa senora"dan ketishi borasida xabarlar ko'payib qoldi.