"MYu" o'z futbolchisini "Sheffildga ijaraga berishi mumkin

"Manchester Yunayted" hujumchisi Amad Diallo "Sheffild Yunayted"ga ijaraga o'tishi mumkin, deb xabar beradi talkSPORT nashri. Ma'lum bo'lishicha, yaqin orada klublar transferni muhokama qilishlari mumkin.

Manbaga ko'ra, mankunianliklar yosh futbolchini o'yin amaliyoti uchun ijaraga berishga qarshi emaslar va "Sheffild" rahbariyati transfer oynasi yopilishidan oldin bitimni yakunlashga umid qilmoqda.

Eslatib o'tamiz, Diallo 21 million evro evaziga "Atalanta"dan "Manchester Yunayted"ga o'tgandi. "Manchester Yunayted"ning asosiy tarkibida u sakkizta o'yinda maydonga tushib, bitta gol va bitta golli uzatmani amalga oshirgan.