Yozda "Barselona"ning asosiy transfer nishoni kim bo'lishi bilasizmi?

"Barselona" mavsum yakuniga etgach, "Selta" hujumchisi Maksi Gomesni qo'shib olmoqchi.

Urugvay terma jamoasining 22 yoshli futbolchisi - kataloniyaliklarning asosiy transfer nishoni bo'lib turibdi.

"U Suaresning 22 yoshligidan yaxshiroq", - deydi "Barselona" vakili Cadena SER radiostantsiyasiga bergan ma'lumotida.

Gomesning tovon puli 50 million evroni tashkil qiladi, ammo agar "Selta" La Ligadan tushib ketsa, bu summa ikki barobarga tushib ketadi. Galisiyaliklar Ispaniya chempionatining 27-turidan so'ng 18-o'rinda bormoqdalar.

Gomes ushbu mavsumda 24 o'yinda 9 ta gol urdi va 5ta golga to'p oshirdi.