Manba: "Manchester Siti" Premer-liga rekorini yangilashga yaqin

"Manchester Siti" ushbu transfer oynasida "Tottenxem" hujumchisi Xarri Keynni sotib olish harakatlarini davom ettirmoqda. "Shaharliklar" yozda forvard uchun 120 million funt to'lashga tayyor, deb xabar beradi ESPN.

Ammo, "shporlar" shartnomasi yana uch yilga tuzilgan o'z futbolchisi uchun 150 millionevro so'ramoqda. Angliyada transfer oynasi 31 avgustda yopiladi.

Agar bu transfer amalga oshsa, "Siti" yangi rekord o'rnatadi - bu Premer -liga tarixidagi eng qimmat transfer bo'ladi. Eslatib o'tamiz, joriy rekord ham "shaharliklar"ga tegishli va yaqinda
"Man Siti" yarim himoyachisi Jek Grilishni "Aston Villa"dan 100 million funtga sotib olganida o'rnatilgandi.

O'tgan mavsumda Keyn barcha turnirlarda 49 uchrashuvda maydonga tushib, 33 gol va 16 golli uzatma muallifi bo'lgan.

U Premer-liganing yangi mavsumining ochilish uchrashuvini o'tkazib yubordi, unda "Tottenxem" "Manchester Siti"ni mag'lub etdi (1:0).