"Yuventus" yangi transferni amalga oshirishga yaqin turibdi

Turinning "Yuventus" klubi "Sassuolo" yarim himoyachisi Manuel Lokatelli bilan shartnoma imzolashga yaqin turibdi.

Jurnalist Fabritsio Romanoning yozishicha, "keksa sinora" italiyalik 23 yoshli yarim himoyachining transferini shu hafta oxirigacha yakunlaydi va buning uchun u 35 million evro to'lashi ko'zda tutilgan.

Qayd etilishicha, ayni vaqtda tomonlar so'nggi transferlarni muhokama qilishmoqda.
Lokatellining shaxsiy shartnomasi shartlari allaqachon kelishilgan.

Eslatib o'tamiz, o'tgan mavsum Lokatelli A Seriyada 34 ta o'yinda maydonga tushib, 4 ta gol urdi va 2 ta golli uzatmani amalga oshirdi.