"Beshiktosh" "Chelsi" forvardi bilan kelishuvga erishdi

"Chelsi"ning belgiyalik hujumchisi Mishi Batshuayi "Beshiktosh" bilan shaxsiy shartnoma borasida kelishuvga erishdi. Bu haqda jurnalist Nikolo Skira o'z tvitterida xabar berdi. Manbaga ko'ra, London klubi, o'z navbatida, futbolchi bilan xayrlashishga qarshi emas. Transfermarkt portali futbolchini 10 million evroga baholamoqda.

O'tgan mavsumda 27 yoshli futbolchi "Kristal Pelas"da ijarada o'ynadi. Forvard 2016-yilda "Chelsi"ga ko'chib o'tgan va bundan oldin "Marsel" va "Standart" sharafni himoya qilgan.