"Inter" "Napoli" forvardi uchun 15 million evro to'lashga tayyor

"Inter" "Napoli" hujumchisi Lorentso Insinega da'vogarlik qilmoqda. Milan klubi neapolliklarga shartnomasi yozda tugaydigan futbolchi uchun 15 million evro to'lashga tayyor, deb xabar beradi Corriere dello Sport nashri. 30 yoshli Insinening o'zi Milanda to'rt yilga shartnoma
olishi mumkin.

Bu holatda, u har mavsumda 6 million evro maosh oladi. Transfermarkt portali futbolchining
narxini 48 million evroga baholamoqda. 2020/21-yilgi mavsumda Insine barcha turnirlarda 48 ta o'yinda maydonga tushib, 19 ta gol urdi va 11 ta golli uzatmani amalga oshirdi.