"Inter" hujumdagi bo'shliqni to'ldirish uchun harakat qilmoqda

"Inter" klubi ligadagi raqobatchisi "Latsio"dan hujumchi Xoakin Korrea transferini amalga oshirmoqchi. Xabarlarga ko'ra, neradzurrilar hujumdagi Romelu Lukaku o'rnini aynan argentinalik futbolchi bilan to'ldirish niyatida. 27 yoshli hujumchi borasida muzokaralar boshlangani aytilmoqda.

O'tgan mavsumda Korrea ajoyib o'yinlar namoyish etganidan so'ng, bir nechta gigantlar nazariga tushgan. Avvalroq "Yuventus" argentinalik futbolchini o'z safiga qo'shib olishi mumkinligi haqida xabar qilingan edi.