Xoland APLda o'ynashni orzu qilishi aytildi

"Borussiya Dortmund" klubi hujumchisi Erling Xoland APLga o'tishni orzu qilmoqda. "Sky Sports" kanali muxbiri so'zlariga ko'ra, 21 yoshli norvegiyalik harakatlarini APL klublari jiddiy kuzatmoqda. Xoland shu paytgacha agenti Mino Rayola orqali bir nechta katta klublar bilan aloqada bo'lgan.

Xususan, "Chelsi"ning Xoland uchun  taklifi rad etilganidan keyin Lukaku xaridini amalga oshirdi. Yana bir gigant, Angliya chempionlari "Man Siti" ham futbolchi uchun asosiy da'vogarlar qatorida tilga olinadi.

Erling Xolandning otasi 2000 yillar boshida aynan shu klub sharafini himoya qilar edi. Nemis klubi keyingi yozdagina futbolchi uchun takliflarni ko'rib chiqishini bildirgan.

Manba: Daily Star