«Manchester Siti» Keyn uchun harakatni davom ettiradi

«Manchester Siti» 28 yoshli «Tottenxem» va Angliya terma jamoasi hujumchisi Harri Keynni qo'lga kiritishdan voz kechmaydi. Bu haqda jurnalist Fabritsio Romano Twitter'da xabar berdi.

Manbaga ko'ra, kelasi hafta «shaharliklar» «Tottenxem» rahbariyatining ushbu muzokaralarda yakuniy pozitsiyasini tushunishga umid qilib, «shporlar»ga 150 million evro miqdoridagi yangi taklifni taqdim etishadi. «Manchester Siti» o'z navbatida, o'z jamoasidan futbolchilarni kelishuvga qo'shish bo'yicha muzokaralar qilishga ham tayyor.