«Roma» ko'zlayotgan yangi transfer omadsiz tugashi mumkin

«Chelsi» hujumchisi Tammi Abraxamning «Roma»ga transferi barbod bo'lishi mumkin. O'tgan hafta davomida 23 yoshli hujumchini Italiyaga ko'chishi haqida ko'plab xabarlar tarqalgan edi.

Italyan nashri bo'lgan «Corriere dello Sport»ning yozishicha, Abraxam hamda «Roma» direktori o'rtasidagi suhbat muvaffaqiyatli o'tmagan. U Tiago Pinto bilan ayrim masalalar bo'yicha aniq to'xtamga kela olmagan.

Klub murabbiyi Joze Mourino esa «Chelsi» forvardini jamoaga olib kelmoqchi edi. Abraxam transferi 34 million funt bo'lishi ko'zda tutilgan. Shu bilan birgalikda futbolchi «Aston Villa» hamda «Arsenal» bilan aloqalarini saqlab turgani aytilgan.

Manba: futaa.com