"Tottenxem" Ukraina klubi himoyachisiga qiziqish bildirmoqda

Donetskning "Shaxtyor" klubi o'ng qanot himoyachisi Dodo faoliyatini Angliya Premer-ligasida davom ettirishi mumkin.

Globo Esporte nashri xabariga ko'ra, Londonning "Tottenxem" klubi 22 yoshli futbolchini sotib olmoqchi.

"Shporlar" braziliyalik futbolchini 20 million evroga transfer qilish taklifini ilgari surgan, biroq ukrain klubidan rad javobini olgan. Bunga sabab, londonliklarning kam summa taklif qilgani.

Yangi mavsumda Dodo "Shaxtyor" safida 5 ta o'yin o'tkazdi va 1 ta golli uzatmani amalga oshirdi. Uning klub bilan shartnomasi 2025 yilgacha tuzilgan.