«Napoli» Insinega narx belgiladi

«Napoli» hujumchi Lorenso Insineni 25 million evroga sotishga tayyor, deb xabar beradi Sky Sport Italia. Manba bergan xabarga ko'ra, futbolchiga «Inter», «Everton» va «Zenit» qiziqish bildirmoqda.

Insinening «Napoli» bilan shartnomasi mavsum oxirida tugaydi. Endi tomonlar shartnomani uzaytirish borasida muzokara olib bormayapti. Italiya matbuoti xabariga ko'ra, «Napoli» yuqori moliyaviy talablar tufayli futbolchi bilan shartnomani uzaytirmoqchi emas. Bundan tashqari, klub prezidenti Aurelio de Laurentis Insine bilan xayrlashmoqchi, chunki u 2019 yilda futbolchilar mashg'ulotdan bosh tortgan paytda ularga qo'shilgan.

O'tgan mavsumda Insine «Napoli» tarkibida barcha musobaqalarda 48 o'yinda qatnashdi va 19 gol va 11 golli uzatmaga mualliflik qildi. Hujumchi Evro-2020da Italiya terma jamoasida o'ynadi va jamoa tarkibida Evropa chempioni bo'ldi.