"Inter" "Napoli" hujumchisi uchun 15 million evro va Aleksis Sanchesni taklif qilishi mumkin

"Inter" "Napoli" hujumchisi Lorentso Insineni sotib olishi mumkin, deb xabar beradi Italiyaning
Corriere dello Sport nashri. Shu bilan birga, "Inter" direktori Beppe Marotta Insineni 15 million evroga sotib olishga tayyor, shuningdek chililik yarim himoyachi Aleksis Sanchesni ham shartnomaga qo'shmoqchi.

Qayd etilishicha, "Napoli" rahbariyati Lorentso uchun 30 million evro olmoqchi va Sanchesni yillik maoshi 7 million evro bo'lgan shartnomaga qo'shishni istamayapti. Hozirda Insine "Napoli" bilan yangi shartnoma borasida kelisha olmayapti. Futbolchi va klub o'rtasidagi amaldagi kelishuv 2022-yilning yozigacha amal qiladi.