Messi kelishi ham yordam bermadi. Mbappe baribir ketmoqchi

"PSJ" hujumchisi Kilian Mbappe Parij klubidagi kelajagi borasidagi pozitsiyasini o'zgartirmadi.

AS nashri xabariga ko'ra, 22 yoshli futbolchi avgust oyida, ya'ni yaqin uch hafta ichida jamoasini almashtirmoqchi.

Frantsuz bir yildan keyin tugaydigan shartnomani uzaytirmoqchi emas. Unga maosh miqdori yoki Lionel Messining kelishi muhim emas.

Qayd etilishicha, Mbappening klub sport direktori Leonardo bilan munosabatlari jiddiy yomonlashgan.

Shu bilan birga, "PSJ"ga hali ham forvard transferi bo'yicha taklif tushmagan. Biroq, ma'lum bo'lishicha, "Real Madrid" vaziyatni kuzatmoqda.