"Roma" va "Inter" Jeko borasida kelishuvga erishdi

"Roma" hujumchisi Edin Jeko faoliyatini "Inter"da davom ettiradi. Jurnalist Janluka Di
Martsioning yozilishicha, klublar transfer borasida kelishib olishgan. 35 yoshli bosniyalik
transferni yakunlash uchun bugun Milanga kelishi kutilmoqda.

Avvalroq, Jekoning agenti futbolchining 2023-yilgacha tuzilgan shaxsiy shartnomasi borasida
kelishib olgani xabar qilingan edi. O'tgan mavsumda Jeko barcha turnirlarda 38 ta o'yinda
maydonga tushib, 13 ta gol va 5 ta golli uzatmani amalga oshirdi.