"Milan" "Atalanta" bilan kelisha olmayapti

"Milan" "Atalanta" yarim himoyachisi Yosip Ilichichni sotib olishga tayyor. Biroq, klublar hali ham transfer summasi borasida kelisha olishmayapti: milanliklar atigi 4 million evro to'lashga tayyor. Bergamoliklar esa bu summaga rozi emaslar. Bu haqida SportMediaset nashri xabar bermoqda.

33 yoshli sloveniyalikning "Atalanta" bilan shartnomasi 2022 yilning yozida yakuniga etadi.
Shuningdek, bitimda shartnomani yana bir mavsumga uzaytirish imkoniyati mavjud.

Avvalroq, "rossonerilar" sloveniyalik bilan shaxsiy shartnoma shartlari borasida kelishib olgani haqida xabar berilgandi.

O'tgan mavsumda Ilichich barcha turnirlarda 38 ta o'yinda qatnashdi, 7 ta gol va 11 ta golli uzatmani amalga oshirdi.