"Milan" "Bordo" yarim himoyachisi uchun 10 million evro taklif qilmoqda

"Milan" frantsiyalik yarim himoyachi Yasin Adli uchun "Bordo"ga 10 million evro taklif qildi. Bu haqda "L'Equipe" nashri xabar bermoqda. Manbaning xabariga ko'ra, Adliga "Milan"ning texnik direktori Paolo Maldinining shaxsan o'zi qiziqqan. 21 yoshli Adli "Parij Sen-Jermen" yoshlar akademiyasini bitirgan.

Yarim himoyachi 2019-yilning qishida 5,5 million evro evaziga "Bordo"ga ko'chib o'tgandi.
Frantsiyaning so'nggi chempionatida Adli 35 ta o'yin o'tkazib, ikkita gol va 5 ta golli uzatmani
amalga oshirdi. Yasinning "Bordo" bilan shartnomasi 2023-yilning 30-iyunigacha amal qiladi.
Transfermarket portali futbolchini 9 million evroga baholamoqda.