"Liverpul" futbolchisi Frantsiya chempionatiga o'tishi mumkin

Shveytsariya terma jamoasi va "Liverpul" yarim himoyachisi Jerdan Shakiri faoliyatini Frantsiya
chempionatida davom ettirishi mumkin. Bu haqda L'Equipe nashri xabar bermoqda.

Manbaga ko'ra, "Lion" 29 yoshli futbolchining xizmatlariga qiziqish bildirmoqda. Frantsuz klubi rahbariyati allaqachon mersisaydliklarga futbolchining transferi bo'yicha taklif bilan chiqishgan

Oldinroq Jerdanga ispan klublaridan qiziqish borligi haqida xabar berilgandi. shveytsariyalikka "Sevilya" va "Vilyarreal" qiziqish bildirmoqda.

Shakiri 2018 yildan buyon "Liverpul"ning sharafini himoya qiladi. O'tgan mavsumda Angliya
Premer -ligasida u 14ta o'yinda maydonga tushib, ikkita golli uzatmani amalga oshirgan.