«Aston Villa» Frantsiyadan futbolchi xarid qilmoqchi

«Aston Villa» Frantsiyaning «Lens» klubi yarimhimoyachisi  Cheik Dukure borasida muzokaralarga kirishdi. «Goal» nashri bergan xabarida «Villa» bu bo'yicha allaqachon aloqaga chiqqani, ammo hali rasmiy taklif kiritilmagani haqida aytiladi.

21 yoshli futbolchi o'tgan yili Frantsiya 1-divizionida ajoyib mavsum o'tkazdi. U to'rtta gol va bitta assistga mualliflik qilgan. Xabarga ko'ra, «Lens» klubi futbolchi uchun 15 million evro (12,7 mln funt) so'raydi.

Aytish mumkinki, bu qiymat birmingemliklar uchun muammo tug'dirmaydi. Chunki ular yaqindagina Grilish sotuvidan 100 million funt ishlab topganlar. Din Smit ushbu mablag'larni oqilona sarflashga harakat qilmoqda.