«Lids» ustoziga «MYu» vingeri kerak

«Lids Yunayted» klubi «MYu» klubi vingeri Deniel Jeyms uchun yana qiziqa boshladi. «Daily Mail» xabariga ko'ra, endilikda tarkibda o'ng qanot futbolchilari Jeydon Sancho hamda Meyson Grinvud kabi futbolchilar borligi tufayli kelasi mavsum Jeyms uchun asosiy tarkibda joy topilishi qiyin bo'ladi.

Shu sabab Marselo Bielsa yangi futbolchi transferini amalga oshirmoqchi. Jeyms «MYu» safida haftasiga 45 ming funt maosh oladi. Uning amaldagi shartnomasi  esa 2024 yilning yozigacha amal qiladi.