PSJ yana bir bomba transferga qo'l o'rmoqchi

PSJ “Latsio” yarim himoyachisi Sergey Milinkovich-Savichni sotib olmoqchi. Parijliklar futbolchi uchun 100 million evro to'lashga tayyor. Bu haqda Football Italia nashri xabar bermoqda.

Manbaning xabariga ko'ra, parijliklar mavsum so'nggida jamoani tark etishi kutilayotgan Adrian Raboga o'rinbosar izlamoqda.

Avvalroq, “Latsio” futbolchini sotmasligi haqida xabarlar tarqalgan edi. Futbolchining “burgutlar” bilan amaldagi shartnomasi 2023 yilgacha mo'ljallangan.

Ta'kidlab o'tamiz, futbolchi xizmatlariga “Inter”, “Yuventus” va “Manchester Yunayted” klublari ham qiziqish bildirmoqda.