«Barselona» markaziy himoyachi xarid qilishga yaqin turibdi

«Valensiya» himoyachisi Jeyson Murilo «Barselona»ga o'tishga yaqin turibdi. Bu borada futbolchining o'zi va valensiyaliklar "ko'k-anorranglilar"ning taklifiga rozi bo'lishdi.

Kataloniyaliklar Muriloni 6 oyga ijaraga olishadi va buning uchun «Valensiya»ga 2 million evro to'lashadi. Agar "Barselona" kolumbiyalik futbolchining transferini to'liq sotib olishni istasa, yozgi transfer paytida 25 million evroning baxridan o'tishi kerak bo'ladi.

Jeyson Muriloning transferi borasida barcha narsa hal bo'lgan. Yaqin kunlarda «Barselona» va «Valensiya» ushbu transferni rasman e'lon qilishadi.

Tomas Vermalen va Samuel Umtiti jarohat olgani tufayli "Barselona" so'nggi paytlarda markaziy himoya chizig'ida muammolarga duch kelayotgandi. Murilo orqali jamoa ushbu muammoni bartaraf etmoqchi.