«Inter» Ikardi o'rniga «Bavariya» to'purarini olib kelmoqchi

“Inter” jamoa etakchisi Mauro Ikardi o'rniga futbolchi izlashda davom etmoqda.

Onet nashrining xabariga ko'ra, “nerazurrilar” argentinalik hujumchining o'rnini “Bavariya” hujumchisi Robert Levandovski bilan to'ldirmoqchi. Futbolchining transfer narxi 70 million evroga baholanmoqda.

Futbolchining myunxenliklar bilan amaldagi shartnomasi 2021 yilgacha mo'ljallangan. Joriy mavsum u 32ta o'yinda 25ta gol urishga erishdi.