«Real» futbolchisi Shomurodov bilan jamoadosh bo'lishi mumkin

Madridning «Real» klubi hujumchi Luka Yovichni yana ijaraga bermoqchi. Bu haqida «Gazetta dello Sport» nashri xabar bermoqda. Manbada aytilishicha, «Jenoa» va «Sampdoriya» futbolchiga qiziqish bildirmoqda. Ma'lum bo'lishicha, genuyaliklar Luka transferiga jiddiy qiziqmoqda. Ammo, hali rasmiy taklif bilan chiqmagan. Shuningdek, «Inter» 23 yoshli serbiyalikni ijaraga olish variantini ko'rib chiqmoqda.

O'tgan mavsumda Yovich Frankfurtning «Ayntraxt» jamoasida ijarada o'ynagan. Ushbu bitimda Germaniya klubi futbolchini sotib olishi mumkinligi haqida band ham boredi. Ammo, «burgutlar» hujumchini sotib olish to'g'risida «qaymoqranglilar» bilan muzokara o'tkazmadi.

O'tgan mavsumda Yovich Germaniya Bundesligasining 18 uchrashuvida qatnashgan va 4ta gol urishni uddalagan.