«Roma»ga «Barsa» futbolchisi kerak

«Sport.es» nashri xabar berishicha, Rimning «Roma» klub Kataloniyaning «Barselona» jamoasi futbolchisi Klement Langle bilan shartnoma imzolamoqchi. «Bo'rilar» 26 yoshli frantsiyalik bilan transferi to'g'risida allaqachon muzokara olib borayotgani haqida aytilmoqda. Ta'kidlanishicha, «Roma» 15 million evro evaziga futbolchini sotib olmoqchi. «Ko'k-anorranglilar» o'z navbatida bu etarli emas deb hisoblamoqda. Ular Langleni kamida 25 million evro evaziga sotishni maqsad qilgan.

Eslatib o'tamiz, Langlet «Barselona» ranglarini 2018 yildan beri himoya qilib keladi.