«Flamengo»ning yosh himoyachisi «Yuventus»ga o'tishi mumkin

Braziliyaning “Flamengo” klubi himoyachisi Uesli Turin klubi rahbariyati bilan uchrashdi. Bu haqda Yahoo! Esportes xabar tarqatmoqda.

Manbaning xabariga ko'ra, futbolchi “Yuventus”ga o'tishi bo'yicha muzokara o'tkazgan va kelishuvga erishgan.

Ueslining “Flamengo” bilan amaldagi shartnomasi 2019 yilning yoziga qadar mo'ljallangan. Shundan so'ng u erkin agent sifatida “Yuve"ga yo'l oladi.

Ma'lumot uchun, “Flamengo” futbolchi bilan yangi shartnoma imzolashni xohlagan edi, biroq futbolchi mazkur taklifni rad etdi.