«Barselona» Boatengning huquqini «Sassuolo»dan sotib olmaydi

«Barselona» direktorlar kengashi «Sassuolo» hujumchisi Kevin-Prins Boatengning transfer huquqini sotib olmaslik haqida qaror chiqardi. Shu bois o'yinchi yozda o'z jamoasiga qaytadi.

Ganalik futbolchi 22 yanvar kuni 2 million evro evaziga ijara asosida "ko'k-anorranglilar" safiga o'tgandi. Ijara shartnomasida "Barsa" uning huquqini 8 million evroga sotib olishi mumkinligi haqida band kiritilgan edi.

Bu vaqt davomida 31 yoshli futbolchi "Barselona" safida 2ta o'yinda (La liga va Ispaniya kubogi doirasida) maydonga tushib, umumiy hisobda 123 daqiqa davomida harakat qildi.