Adrien Rabo o'z onasining agentlik xizmatidan voz kechdi

«Barselona» klubi va Adrien Rabo dekabr oyi so'ngida transfer borasida to'liq kelishuvga erishgandi. Ammo yanvar oyiga kelib futbolchining onasi Veronika bu ishga aralashdi va kataloniyaliklarga haddan tashqari ko'p talablar qo'ya boshladi. Shu bois, mazkur transfer boshi berk ko'chaga kirib qoldi. Natijada "Barsa" o'z taklifini qaytarib olishga qaror qildi.

Raboga boshqa jamoalarga qiziqish borligiga qaramay, Adrien "ko'k-anorranglilar" safiga o'tishni istamoqda. Shu bois, u o'z onasining xizmatidan voz kechib, o'ziga boshqa professional agent yolladi. U futbolchining "Barselona"ga o'tishini hal qilishi lozim. Hozircha bu agentning ismi oshkor qilinmadi.

Rabo dekabr oyida kelishilgan shartlar bo'yicha shartnoma imzolanishiga umid qilmoqda.