«Inter» Rakitich uchun taklif qilayotgan mablag' miqdori aniq bo'ldi

«Inter» va «Barselona» klublari yarim himoyachi Ivan Rakitichning transferi borasida muzokaralar olib borishmoqda. Tomonlar ko'p narsalarda kelishuvga erishishdi. Faqat transfer summasi borasida bir qarorga kelish qoldi.

«Inter» 30 yoshli xorvatiyalik futbolchi uchun 35 million evro taklif qilayotgan bo'lsa, «Barselona» kamida 45 million evro talab qilmoqda. Jamoalar katta ehtimol bilan 40 million evro va qo'shimcha bonuslarga kelishishi mumkin.

Ivan Rakitichning "ko'k-anorranglilar" bilan amaldagi shartnomasi 2021 yilning yoziga qadar tuzilgan. Uning yillik maoshi 5,5 million evroga teng. Kataloniyaliklar u bilan shartnomani uzaytirishni rejalashtirishmayapti.