Rabo «Barselona»ga o'tadi va Rakitichning o'rnini egallaydi

«PSJ» yarim himoyachisi Adrien Rabo yozda «Barselona» futbolchisiga aylanadi. 23 yoshli futbolchi bu borada "ko'k-anorranglilar" bilan kelishuvga erishgan.

Tomonlar maosh, mukofot puli va Raboning «Barselona»dagi vazifasi borasida kelishib olishdi. Adrien kataloniyaliklar tarkibida o'ng qanot yarim himoyachisi pozitsiyasida o'ynaydi. U ushbu mavsum so'ngida «Barsa»ni tark etishi kutilayotgan Ivan Rakitichning o'rnini egallaydi.

Adrien Raboning «PSJ» bilan shartnomasi 2019 yilning yozida yakuniga etadi. Futbochli parijliklar safini erkin agent sifatida tark etadi. Klub rahbariyati o'yinchini yoshlar jamoasiga o'tkazib yubordi.

Rabo «PSJ» klubi tarbiyalanuvchisi hisoblanadi. U parijliklar safida jami 227ta o'yinda maydonga tushib, 24ta gol urdi va 17ta golga uzatma berdi.