Belotti uchun "Arsenal" qancha to'lamoqchi?

Londonning "Arsenal" klubi "Torino" va Italiya terma jamoasi hujumchisi Andrea Belottiga qiziqish bildirmoqda, deb xabar beradi Tuttosport.

Manbaning xabariga ko'ra, ingliz klubi yozgi transferlar vaqtida futbolchi sotib olish variantini ko'rib chiqmoqda. "Kanonirlar" hujumchi uchun 34 million evro to'lashga tayyor.

Avvalroq Belottiga "Milan" va "Roma" jamoalari ham qiziqish bildirayotgani xabar berilgan edi.

O'tgan mavsumda 27 yoshli Belotti "Torino" tarkibida 36 uchrashuv o'tkazdi, 13 gol urdi va 7 golga uzatma berdi. Uning Turin klubi bilan shartnomasi 2022-yilning yozigacha amal qiladi.