«Manchester Yunayted» tarbiyalanuvchisi Shvetsiya klubiga o'tdi

“Latsio” yarimhimoyachisi Reyvel Morrison faoliyatini Shvetsiya chempionatida davom ettiradi.

26 yoshli futbolchini “Estersund” klubi o'z safiga qo'shib oldi. Tomonlar qisqa muddatli bitim tuzishdi.

Angliyalik futbolchi so'nggi marta “Latsio” safida 2016 yil maydonga tushgan. Shundan so'ng, u ijara asosida KPR va Meksikaning “Atlas” klubida o'ynagan.

Morrison – “Manchester Yunayted”ning tarbiyalanuvchisi hisoblanadi. Qolaversa, u Angliyaning “Vest Xem”, “Birmingem” va “Kardiff Siti”da o'ynagan.