Katta ehtimol bilan Dyumfris va Malen "PSV"ni tark etadi

"PSV" futbolchilari Denzel Dyumfris va Donell Malen Niderlandiya klubini tark etishlari mumkin. Bu haqda jamoa bosh murabbiyi Rojer Shmidt ma'lum qildi. Jamoa keyingi mavsumga har ikkala futbolchi endi ularga yordam bermasligini inobatga olgan holda tayyorgarlik ko'rmoqda.

"Donel va Denzelning klubni tark etishi ehtimoli menga ancha vaqtdan beri aniq edi. Ammo, biz o'zimizni keyingi mavsumga tayyorlashimiz kerak", - dedi Shmidt NOS nashriga.