"Benfika" himoyachisi faoliyatini "Arsenal"da davom ettirishi mumkin

"Benfika" himoyachisi Nunu Tavaresh faoliyatini Angliyada davom ettirishi mumkin, deya xabar beradi jurnalist Fabrisio Romano. Manbaga ko'ra, "Arsenal" 21 yoshli portugaliyalikning agenti bilan bog'langan. Xabar qilinishicha, futbolchining o'zi London klubiga o'tishni xohlaydi.

O'tgan mavsumda Tavaresh 25 ta o'yin o'tkazib, 3 ta golli uzatmani amalga oshirdi. Transfermarkt portali futbolchining qiymatini 7 million evroga baholamoqda.