Grilishga yana bir da'vogar paydo bo'ldi. Bu transferga ular katta pul ajratdi

"Chelsi" klubi yozgi transferlar oynasida "Aston Villa" futbolchisi Jek Grilishni sotib olishga urinib ko'radi, deya xabar bermoqda "Fichajes" nashri.

Manbaning ma'lum qilishicha, London klubi ushbu transferga jiddiy qiziqmoqda. "Aristokratlar" yozda Kallum Xodson-Odoini sotishni rejalashtirmoqda va Grilish uning o'rnini egallashi lozim. O'z navbatida Abramovich ham bu katta transfer uchun pul ajratishga tayyor.

Eslatib o'tamiz, angliyalik yarim himoyachiga "Manchestester Yunayted" klubi ham qiziqish bildirayotgan edi. "Aston Villa" esa o'z futbolchisi uchun 100 million evro talab qilmoqda.