"Chelsi" Hakimi uchun to'rt futbolchisini qo'shib berishi mumkin

Londonning "Chelsi" klubi jamoaga himoyachisi Ashraf Hakimini taklif qilmoqchi.

Milanliklar futbolchi uchun 80 million evro olmoqchi, "Chelsi" o'z navbatida 60 million evro to'lashga tayyor. Ammo, "Inter" ushbu shartnomaga "Chelsi" futbolchilarini qo'shish variantini ko'rib chiqishga tayyor. Sky Sports nashri xabariga ko'ra, tomonlar shartnomaga Markos Alonso, Davide Zappakosta, Emerson va Andreas Kristensen nomzodlari qo'shilishi mumkinligini muhokama qilishgan.

Aytishlaricha, "neradzurrilar" eng ko'p Alonso va Zappakostaga qiziqish bildirmoqda.

O'tgan mavsumda 22 yoshli himoyachi Hakimi "Inter" safida A Seriyaning 37 uchrashuvida maydonga tushib, 7 gol urdi va 8 golga uzatma berdi.