"Atletiko"ga Italiya klubi futbolchisi kerak

"Udineze" yarim himoyachisi Rodrigo de Pol "Atletiko" safiga qo'shiladi. Jurnalist Fabritsio Romanoning so'zlariga ko'ra, futbolchi tez orada ko'chib o'tishdan oldin tibbiy ko'rikdan o'tadi. Oldinroq 27 yoshli argentinalik futbolchi bilan 2026-yilgacha shartnoma imzolashi ma'lum bo'lgan edi.

Uning maoshi yiliga 3 million evroni tashkil etadi (qo'shimcha bonuslar bilan birga). "Atletiko" bonuslarni hisobga olmaganda, futbolchining transferi uchun 35 million evro to'laydi. De Pol o'tgan mavsum A seriyaning atigi ikkita uchrashuvini o'tkazib yubordi, barcha musobaqalarda 9 ta gol va 11 ta golli uzatmani amalga oshirdi.