"Atalanta" "Yuventus" futbolchisini sotib olmoqchi

Turkiya terma jamoasi va "Yuventus" himoyachisi Merix Demiral Turin klubidan ketishi mumkin.

Manbaga ko'ra, "Atalanta" 23 yoshli markaziy himoyachiga da'vo qilmoqda. Bergamo klubi rahbariyati turk futbolchisini ushbu yozgi transferlar mavsumida sotib olishni maqsad qilgan.

Agar "Atalanta" Demiralni sotib ololmasa, ular bor e'tiborini "Lill" futbolchisi Sven Botman va "Torino" dan Lyanko Voynovichga qaratadilar.

Eslatib o'tamiz, Demiral va "Yuventus" o'rtasidagi kelishuv 2024 yilgacha amal qiladi. Oldinroq futbolchiga "Tottenxem" va "Everton" ham qiziqish bildirayotgani haqida xabar berilgan edi.

Yakunlangan mavsumda turkiyalik himoyachi 24 uchrashuvda bitta golli uzatmani amalga oshirdi.