"Arsenal" "Sassuolo" yarim himoyachisi uchun 40 million evro to'lashga tayyor

"Arsenal" "Sassuolo" yarim himoyachisi Manuel Lokatelli uchun 40 million evro to'lashga tayyor, deya xabar beradi La Gazetta dello Sport. Oldinroq, futbolchi "Yuventus" bilan shartnoma shartlarini kelishib olgani ma'lum bo'lgandi. Ammo, "byankoneri" hali ham futbolchining transferi bo'yicha aniq bir qarorga kela olmayapti.

"Sassuolo" Lokatelli uchun 40 million evro talab qilmoqda. "Yuventus" transfer miqdorini kamaytirmoqchi. Shu bilan birga, "Arsenal" "nerverdilar"ga italiyalik uchun kerakli miqdorni to'lashga tayyor.

O'tgan mavsumda 23 yoshli yarim himoyachi barcha musobaqalarda 34ta o'yin o'tkazib, 4ta gol va 3ta golli uzatmani amalga oshirdi.