"Zaltsburg" futbolchisiga APLning to'rtta etakchi klubi qiziqish bildirmoqda

"Zaltsburg" hujumchisi Patson Dakka Angliya Premer-ligasiga o'tishi mumkin. Futbolchiga birdaniga to'rtta APL klubi qiziqish bildirmoqda. Bu haqda Britaniya matbuoti xabar bermoqda.

"Chelsi", "Liverpul", "Tottenxem" va "Lester" futbolchi uchun yozgi transferlar mavsumida kurash olib boradi. Transfermarkt portali 22 yoshli zambiyalik futbolchini 22 million evroga baholamoqda.

O'tgan mavsumda Dakka 42ta o'yin o'tkazib, 34ta gol urdi va 12ta golli pas berdi.