Donnarumma "PSJ" futbolchisi(mi?)

Darvozabon Janluiji Donnarumma "PSJ" bilan shartnoma imzoladi. Bu haqda tvitterda jurnalist Fabritsio Romano xabar bermoqda. Manbaning xabariga ko'ra, kelishuv 2026-yilgacha hisoblab chiqilgan. Italiya terma jamoasi darvozabonining tibbiy ko'rikdan o'tishi Shveytsariya bilan 16-iyun kuniga belgilangan Evro-2020 o'yinidan so'ng bo'lib o'tadi.

Qayd etilishicha, Donnarumma "PSJ"da qoladi va boshqa jamoaga ijaraga o'tmaydi. U Keylor Navas bilan birinchi raqam uchun kurashadi. Donnarumma 2020/21-yilgi mavsumda "Milan" tarkibida 48 uchrashuv o'tkazib, shulardan 15 tasida darvozasi daxlsizligini saqlab qolgan. Shuningdek, Parij klubi italiyalik darvozabonga yiliga 12 million evro maosh taklif qilgani haqida xabar berilgan edi.