"Milan" "Real"ning 2 futbolchisini o'z safiga qo'shib olishga yaqin turibdi

"Milan" yaqin orada "Real"ning ikki futbolchisi - himoyachi Alvaro Odriosola va hujumchi Braim Dias transferlarini amalga oshirishi mumkin, deb xabar beradi Il Corriere dello Sport.

Manbaning xabariga ko'ra, Italiya klubi ikkala futbolchining transferi bo'yicha muzokaralarni  yakunlashga yaqin turibdi.

O'tgan mavsumda 21 yoshli Dias "Milan"da ijarada o'ynadi, 39 o'yin o'tkazdi, etti gol urdi va to'rtta golli pas berdi. 25 yoshli Odriosola esa "Real" safida 16 uchrashuv o'tkazgan va ikkita gol urgan.

Manba: soccernews.ru