Mourino "Roma"ga vatandoshini olib kelmoqchi

Portugaliyalik darvozabon Rui Patrisiu yozgi transfer oynasida "Roma"ga o'tadi. Bu haqda jurnalist Nikolo Skira o'zining tvitter sahifasida xabar berdi. Manbaning xabariga ko'ra, rimliklar darvozabon uchun "Vulverxemton"ga 7 million evro taklif qilishgan. Ingliz klubi esa 10 million evro talab qilmoqda, ammo "Roma" bonuslar bilan shartnomani yakunlashni maqsad qilgan.

Xabar qilinishicha, 33 yoshli darvozabon uchun uch yillik shartnoma allaqachon tayyor. Patrisiu "Vulverxemton"da 2018-yildan beri o'ynab kelmoqda. U Lissabonning Sporting klubidan "bo'rilar" safiga ko'chib o'tgan. Patrisiuning ingliz klubi bilan shartnomasi 2022-yil yozigacha amal qiladi, Transfermarkt portali futbolchini 10 million evroga baholamoqda.