"Arsenal" belgiyalik futbolchini sotib olishi mumkin

"Anderlext" yarim himoyachisi Albert-Mbou Lokonga "Arsenal" e'tiborini tortdi. Londonliklar 21 yoshli Belgiya U-21 jamoasi futbolchisini Ruben Neveshga ("Vulverxemton") muqobil transfer maqsadi sifatida ko'rishmoqda.

Lokonganing transferi "Arsenal"ga portugaliyalikning 35 million funt sterling transferidan ancha arzonga tushishi mumkin. Belgiyalik yarim himoyachi so'nggi chempionatining 33 ta uchrashuvida maydonga tushib, 3 ta gol va 2 ta golli uzatmani amalga oshirdi.