MYu "Atalanta" futbolchisiga qiziqmoqda

"Manchester Yunayted" "Atalanta"ning argentinalik himoyachisi Kristian Romeroga qiziqish bildirmoqda, deb xabar beradi jurnalist Nikolo Skira.

Manbaga ko'ra, ingliz klubi yozgi transfer oynasi vaqtida futbolchini sotib olmoqchi va u uchun 45 million evro to'lashga tayyor. Romero A Seriyaning 2020/2021-mavsumdagi eng yaxshi himoyachisi deb topildi.

O'tgan mavsum 23 yoshli Romero "Atalanta" safida barcha turnirlarda 42 uchrashuv o'tkazdi, uchta gol urdi va beshta golli pas berdi. Uning klub bilan shartnomasi 2025-yilning yozigacha amal qiladi.